አላማዉ፡

ላለፉት እረጂም ዘመናት አንዳንድ ግለሰቦች ይህን አበይት ርዕስ ለመቃኘት ሞክረዋል፡፡ ነገርግን በተጨባጭ በማጠቃለያ ከነመፍትሄዉ በይፋ የተገለጠ ሃሳብ አልወጣም ወይንም ቢኖርም ጎልቶ እንዳይወጣ ሆኗል፡፡ ሁሉም በየግሉ ባለፉት ዘመናት የሆነዉን እና መሬት ላይ ያለዉን ለማስታረቅ ሲሞክር ሞጋች የሆኑ ሃሳቦች ይነሱበታል፡፡ እንደ አሰላሳዩ አይነት የሚነሱት ጥያቄዎች የተለያዩ ይሆናሉ፦ ያደገበት የማህበረሰብ አስተሳሰብ፣ የተማረበት ትምህርት ቤት፣ የሃገሩ የፖላቲካ መርሆ ሌሎችም ኩነቶች የበኩላቸዉን ተጽዕኖ ያበረክታሉ፡፡ ይህ አይነት የዐይምሮ መባከን ማየት የሚገባንን ማየት እንዳንችል ዐይምሮአችንን ሸብበዉ ይይዙታል፡፡

ይህን መሰረታዊ ጥያቄ መሬት የያዘ መልስ እንድናገኝለት ሁሉም ያገባኛል የሚል ግለሰብን ፣ ተቋምን በመጋበዝ ሁሉም የየበኩሉን በመሰንዘር የጠራ ምልከታ ላይ እንዲደረስ የዉይይት መድረክን በመዘርጋትና ጉባኤን በማዘጋጀት ሁኔታዎችን እናመቻቻለን፡፡

በዚህ ጉባኤ በየዘርፉ ለዚህ መሰረታዊ ጥያቄ መልስ ለመስጠት የሞከሩ ሃሳባችዉን በማጋራት፤ የጋራ መድረክ መፍጠር፡፡ ቀጣይነት እንዲኖሮው ጉባኤዉ ባመት ሁለት ግዜ ያካሂዳል፡፡

የጋራ መወያያዉ መድረክ አመቱን ሙሉ ክፍት ሲሆን፤ አጥኚዎች ስራቸዉን የጉባኤዎን ቀን ሳይጠብቁ በድህረ ገጽ ላይ በመስፈር ለዉይይት እንዲያቀቡ ማስቻል፡፡